Rrezeart Galica u lind më 25. 9. 1981, në Prishtinë. Gjatë viteve 2000-2005 studioi në Fakultetin e Arteve të Universitetit të Prishtinës, Drejtimi i Dizajnit Grafik, ndërsa në vitet 2006-2008 kreu shkallën e tretë, ku magjistroi në këtë Fakultet, në Drejtimin e Dizajnit Grafik, Departamenti i Multimedias.

Punimet e tij të ekspozitës së parë personale, të titulluar "Para fillimit" janë bërë referencë e studentëve të artit në Akademinë e Arteve të Bukura të Peruxhas dhe Akademisë Katolike të Arteve në Milano në Itali. Pjesëmarrë në qindra ekspozita brenda dhe jashtë Republikës së Kosovës.

Është doktor në Arte pranë Akademisë për Studime Albanologjike në Tiranë dhe profesor i disa lëndëve në Dizajn Komunikimi si dhe udhëheqës i Departamentit të Dizajnit të Komunikimit në Fakultetin e Arteve të Universitetit të Prishtinës.